Ўзбекистондаги ШҲТ Халқ дипломатияси маркази ва Беларусь тинчлик жамғармаси ўртасида ҳамкорлик тўғрисидаги битим имзоланди
30-noyabr. /"Dunyo" AA/. Minskdagi Do'stlik uyida O'zbekiston va Belarus o'rtasida diplomatik munosabatlar o'rnatilganining 30 yilligiga bag'ishlangan "O'zbekiston – Belarus: vaqt sinovidan o'tgan do'stlik" davra suhbati bo'lib o'tdi, deb xabar beradi "Dunyo" AA muxbiri.
ShHT xalq diplomatiyasi markazi xabar berishicha, tadbir O'zbekistonning Belorussiyadagi elchixonasi va Belarus tinchlik fondi tomonidan tashkil etildi.
Davra suhbatida Belarus va O'zbekiston qo'shma dasturlarini amalga oshirish istiqbollari, Minsk va Toshkent ta'lim muassasalarining tarixiy xotirani saqlash bo'yicha hamkorligi, badiiy ijod va nashriyot sohasidagi ikki tomonlama loyihalar, ta'lim va fanning o'zaro hamkorligi masalalari muhokama qilindi. Shoir Yoqub Kolasning Belarus va O'zbekiston xalqlarining yaqinlashtirishga qo'shgan hissasi haqida so'z yuritildi.
Tadbir doirasida Shanxay hamkorlik tashkilotining O'zbekistondagi xalq diplomatiyasi markazi va Belarus tinchlik jamg'armasi o'rtasida hamkorlik bitimi imzolandi.
Davra suhbati yakunida Belarus Yozuvchilar uyushmasi raisi Aleksandr Karlukevich Belarus-O'zbekiston hamkorligini mustahkamlashdagi yuksak xizmatlari uchun ShHT xalq diplomatiyasi markazining "Xalq diplomati" ko'krak nishoni bilan taqdirlandi.